Ka Nu Kai in ka pu a mangpha khakna

Ka pa ziak a hong gimpih hong tawl pih a khual a tual pan a hong pai mi mal khat ciat ih Biak Pasian min tawh na khut uh hong leng ing.
Pa aw kong ngaih mahmah hang kong ngaih bek mah hi nang a ding in kong cih theih bang mah om kei ......
Pa aw zing khawng lai in sileng nang mah mah hong lung hih mawh ing nong cih nang tun hong muang mahmah maw pa........ hong mu lo ka hih cing in hong um keng kong tun kik ciang a om ding mah in hong lamen ningmaw pa Pa aw ka cina leh.........nang bekbek in nong khoi hi a tunn ken nang hong khoi kha lo ka unau un ka tha hat na ding uh tha hong guan in maw pa, ......na tu na tate thu pha hong pia in ko kong ngaih sang in ih biak Pasian in hong ngai zaw sian ang lai ah mel ki muh kik ma teng
Mang Pha
Hong it na ta Nu
Kai Nu

Ka Nu Vungbawi in Ka Pu a mangpha khak na

A ma sa in a khual a tual veng sak veng khang pawl pi mi te na vek pi un ka om na tui pi gal khat pan in na ziat lam khut uh ka hong len hi. Tuni in ka it mah2 uh ka pa hong nu siat na hang in ko a nu siat a zi le a tu a tate a sang gam te tawh a ki bang aa hong thuak pih aa hong dah pih khem peuh tung ah ih biak Topa Pasian in lei tung thupha vantung thupha a cing in hong pia suk ta hen.

Teh pih om lo it na tawh hong it Pa aw nong kep nong khawi na te ngilh ni om lo ding hi.
Na von lianu gal in hong don dih vaw zai tha patpuan bang na nem ing ee
Lung zuan mual sing bang ki tawi sawn ee
Sawl bang ka hei na nga bang ka len na sing ta gam zang ah
Theih loh tong suah melma te tawh heh hong nem zo a om diam aw

Pa aw ka neu lai in cim zong aa na pai ciang in ka nu in na pa va dawn in ci aa hong sawl ciang ni tum dek ta nong tun nai loh ciang ka pa sing kung tung pan kia a hi tam ci aa ka ngaih sut bek tawh ka kah aa nang cim thung ip pi dim tawh mual hong suak aa nuam lua aa kong delh veng vang aa ka kap le tu a ka kah pen ka sai kak ciang ka khi tui tawp ni om ding maw pa cik ciang nang mual hong suak aa kei tawh ki mu kik ding pa aw. Pa pa pa aw hong ngai mah sing ung maw.
Min than na thawh kik zing khua vak ni ciang
Kha zih sung aa pham sa te zuang hong thawh ni ciang
A pai khin sa ka pu le pi , ni te le ka pa te tawh
Ih vek pi in mel ki muh kik ni ding hai bang ngak lah tangh ee maw.

Ka at nop tam pi tak om te nusia hi zah hong at mai ning ee. Ki zo thei nai mah2 keng.

Pa aw lung nuamtak in na pai in maw.
Hong it
Na von ngaih lianu Vungbawi
Mang pha maw Pa.

Ka U Tuan Go Pau in Ka Pu Dongh Za Khup Mangpha khak Lungdam Kohna

Lungdam na

Ka pu tung ka lungdamna kongpulak nuam hi. U Hau Tawng in, “ka pu ka it mahmah ka neu lawm hi” a cih pen hi ka sa hi. Ka pu tawh ka hunhoih teng khempeuh zang khawm thei ka hih man in lungdam ing. Ka pu in ong thuhilh

ong pat tah zia kong gen nuam hi. Tua a hih man in ka pu ong hopih kik ning.

Pu aw, nong it na te gamtat tawh hong lak tawn tung na hih man in lungdam mahmah ing. Ka neu lai in singlaam deih lua in hong suih sak in ci in kong nget pen uham te deih nget bang in nong thudon pen in ka lungsim ong lamsang

mahmah hi. Tan sing sang in Teipi sing hoih zaw hi ci in Dawbi lui sung ah lokho khawl liang in nong zon sak te

ka lungdam hi. Mu zo lo in, ko lo ih kuan kik ciang in Lailui gam Zuanglui dung ken bang lak ah nong zon sak a,

ka nau Thangneu a ding tawh sing lam hoih mahmah khat tuak nong suih sak ban ah na khaukap hoih lai

a pei na khau ding in nong hawm sak te ka phawk den ding hi.

Lungdam ing pu aw.

Kii khawi nuam lua in, kii thang siah ong hilh in ci in kong ngen kik a, hun la het lo in a zing ciang in ka nu tawh ka

lokuan uh nong zui aa, ciangkhut ling kung sat in thei kung tung ah ki thaang siah dan ning hilh hi.

Lungdam ing pu aw.

Gun lo a i kuan a, nitak ciang in tui bual dan nong hilh a, kha muang tak in tui nong bual sak hi.

Pasal khat I kisap khat a hi tui bualdan nong hilh hi.

Lungdam ing pu aw.

Temta ka deih mahmah a, mawtaw ciampek inn nuai pan in nong la khia a, lailui khua ah vai khak in isek sak hi.

Ka deih tem nong guat hi.

lungdam ing pu aw.

Sim ah lo I kuan a, sun ciang in khuum nuai ah khawl in, lawm na ngai nai hiam? Ci a nong thu dot ka lungsung ah teng den hi. Tua ni anong gen thu te lawm na ngaih theih ma in ong gen ning maw nong cih te phawk den ing.

A ki sap na mun ah na gen zel ning maw pu.

Lungdam mahmah ing pu aw.

Bawng ih cin zel hun lai in, gamlak ah khua sak gamtat dan ding nong pat tah te. Tui dawn tui ngawl dan

ding nong hilh te, gam kang mai ah khensat na bawl dan ding nong hilh te man pha mahmah hi.

Lungdam ing pu aw.

Nong piak bawng no ong lian semsem in, kei zong Tedim pan in pil sin zom thei ding in sang ma ong ki hong hi. Inn pan puapial zawh na ding sum om lo a hih man in nong piak bawl laa zong gol ta a hih man in ka zuak uh a

tua tawh sang kah ding in lamsap in ka zang hi. Ma nong pat sak hi pu aw.

Lungdam ing pu aw.

Nong it na gamtat tawh nong gen zaw a, ka lungtang in mu hi.

Lungdam ing pu aw.

Na hun nunung pen ah zong na tu na ta te ngai in ong nusia zo het lo cih ka nu in ong gen hi. Pumpi kigam lat na in

itna melma sak het lo cih nong lak hi. Nong lah khiat itna khempeuh hang in

lungdam mahmah ing pu aw.

Thawh kik ni zingsang ciang dawn bang tuah kik ni pu aw. Pu aw mangpha.

Na Tu pa,

Tuan Go Pau

KAPU DONGH ZA KHUP MANGPHA KHAKNA

KAPU DONGH ZA KHUP MANGPHA KHAKNA:

Simlei nunna tomkal sungin

Na huai na kep, von sawn momte

Gual lai sawlbang hei in

Nunna tanbang kim ding

Lungdeih Puvon’

Nen luang thupha hang mah hi ee…..

Ka it ka ngaih Sen Puvon aw

Thuk kulsin lai sambang zaal ci’n

Mual tui halna singdang gam pan

Ton ka san ni’n

Laikhun zaallai

Luankhi gial bang kia in nul ing ee…..

Na pham nua dai dam lua ee

Luankhi nul von sawn momte

Singdang melmak gam zang

Na min thei bang hong lo

Lungdeih thai kawi

Sinlai heh na nem ve aw….

Simlei gamh bang luah ding

Ih om hiam aw vannuai khua ah

Pham ding hai bang ngak hang ee

Milun zata sesum lamh zong

Kulsin zaal ee al bang dah ee

Luankhi nul aw ciin tuai tuun ngaih teng aw…

Pham nua nunna hai bang ngak hang

Simlei tomkal ii nun sung in

Sian lungawi na dawh siam ni ee

Simlei ah melmuh bangiin

Tual Thangvan ah

Melmu kik ding hai bang ngak lang ee…

Pu aw, mu bang kong ngaih an bang kong it uh hangin Sian hawm sinthu tuang hong tung hi ee…. Na ta, na tu leh tu sawn zong a mu hi teh… Lung nuam in na pai in… Na von sawn te gual englo ding thupha hong pia khin cia, von sawn ta ding lung hi mawh ken… A mual za tam, tuipi kaal hal singdang gam pan ka pi leh ka nu, nuno leh puno, a dah a kap te Sian siang mim bang hong thum sak den ungh….

Kong it pu aw, melmuh loh aa phamna kulsin na zaal lai ah na sa’ng. Hi zong ii To Zeisu’n peengkul aw tawh hong phot ni ciang tung thangvan ah it leh ngaih tawh melmu kik ding hai bang ngak la’ng ee… hai bang ngak la’ng… Ka len na singdang gam zuunnel siamsin na pan kong it ka pu… Zaal Mangpha aw… Zaal Mangpha….

Hongit na tu,

Kham Khan Khai

Pu Dongh Za Khup Tangthu